Ef að þessir pjakkar gætu verið sammála um það hvað ég á að gera væri margt þægilegra. Þetta verður mikið betra þegar ég verð búinn að læra að byggja orkuver. Þá get ég bara ákveðið þetta sjálfur.
Annars er bara gaman hérna.

Tækniteiknarinn sem að á að teikna varmaskiftinn sem að ég er að hanna er veik. Það er ómögulegt því að ég veit ekki hvort að hann passar þar sem að hann á að vera eða hvort að ég þarf að minnka hann.

Við í okkar fjölskyldu erum mikið að velta því fyrir okkur þessa dagana hvað litli bróðir eigi að heita. Um daginn (skömmu eftir að hann fæddist) var ég að ræða þetta við systur hans og spurði hana "Hvað eigum við að kalla litla bróður?" Hún var snögg að svara og argaði eins hátt og hún gat: LITLI BRÓÐIR!!!

Ég er semsagt orðinn verkfræðingur og byrjaður að vinna hér. Ég er í deild sem að reiknar út alskonar skemmtilega hluti í orkuverum, aðallega í sambandi við bruna á lífrænu eldsneyti og framleiðslu á gufu.
Ég er kominn vel af stað og líkar vel við þennan vinnustað. Allir voða vinsamlegir og hjálplegir. Það eru auðvitað langflestir Danir sem að vinna hérna en svo er líka Frakki og Þjóðverji sem að eru í minni deild. Við erum sjö í reikningsdeildinni og það eru um það bil 70 sem að vinna hjá fyrirtækinu.
Nú verð ég að halda áfram að vinnna.

Ég er byrjaður að vinna.
Konan er búin að skila.
Tölvumálin okkar eru í ólestri. (hvur fjárinn er þessi ólestur eginlega)
Börnin þrífast.